El Niño
![](http://chped.net/https/upload.wikimedia.org/wikipedia/commons/thumb/b/b8/ENSO_-_normal.svg/220px-ENSO_-_normal.svg.png)
![](http://chped.net/https/upload.wikimedia.org/wikipedia/commons/thumb/2/2f/ENSO_-_El_Ni%C3%B1o.svg/220px-ENSO_-_El_Ni%C3%B1o.svg.png)
Newidiadau sy'n achosi cynhesu yn nyfroedd rhan ddwyreiniol y Cefnfor Tawel o gwmpas glannau gorllewinol De America yw El Niño (Sbaeneg, yn golygu "y bachgen bychan"). Mae'r ffenomenon yn rhan o'r hyn a elwir yn ENSO (El Niño-Southern Oscillation); heblaw El Niño ceir oeri yn y dyfroedd hyn a elwir yn La Niña ("y ferch fechan"). Daw'r enw El Niño o'r bachgen Iesu, gan fod yr effeithiau yn ymddangos o gwmpas y Nadolig fel rheol.
Gall El Niño gael effaith sylweddol ar y tywydd ar draws rhannau helaeth o'r byd. Gall achosi newidiadau ym mhatrwm glawogydd, gan achosi llifogydd mewn rhai ardaloedd a sychder mewn eraill. Gall hefyd gael effaith fawr ar bysgodfeydd a phoblogaeth adar môr o gwmpas arfordir De America. Gwelwyd El Niño ddiwethaf o fis Medi 2006 hyd ddechrau 2007.